eýelemek

işlik

1) Bir zady özüňki etmek, öz ygtyýaryňa geçirmek, eýe bolmak.

∙ Ol kitaby eýýäm eýeläpdir.

2) Ele almak, ele salmak, basyp almak.

∙ Demirgazyk taýdan Daşkent-Moskowa otly ýoluny kesip, ataman Dutow ýaňadaňdan Orenburgy eýeledi. (B. Kerbabaýew, Aýgytly ädim)

∙ Olar on ikinji iýulda Aşgabatda hem Gyzylarbatda häkimiýeti eýelediler. (B. Kerbabaýew, Aýgytly ädim)

∙ Olar ýabyň köprüsini eýelänlerinde, gije özüniň garaňky perdesini bütin äleme ýaýypdy. (B. Seýtäkow, Gyz Salgydy)

3) Bir ýerde jaýlaşmak, ýerleşmek, ornaşmak.

∙ Ellerini işden boşanan beýleki adamlar-da özleriniň at-abraýlaryna laýyk bolan ýerlerini eýelediler. («Sowet edebiýaty» žurnaly)